Handboltamót 5. og 6. bekkja

Nemendur í 5. og 6. bekk Urriðaholtsskóla tóku þátt í skólahandboltamóti á vegum Handknattleikssambands Íslands í vikunni.

Mótið fór fram í Víkinni, Safamýri og Álftamýraskóla í Reykjavík.

Drengirnir í 5. bekk stóðu sig frábærlega og komust í úrslitariðil. Þeir börðust af miklum krafti, fóru alla leið í undanúrslit og unnu að lokum þriðja sætið eftir spennandi leiki.

Nemendur í 6. bekk kepptu einnig af áhuga og eldmóði, þó þeir kæmust ekki áfram að þessu sinni.

Mótið snerist þó fyrst og fremst um samstöðu, liðsvilja og gleði. Allir tóku þátt af heilum hug og sýndu frábært viðhorf — sem er einmitt það sem skiptir mestu máli.

Við erum stolt af öllum keppendum og hlökkum til næsta handboltaævintýris! ?✨