Í Urriðaholtsskóla starfa bæði námsráðgjafi og skólafélagsráðgjafi sem eru málsvarar nemenda og trúnaðarmenn. Námsráðgjafi og skólafélagsráðgjafi vinna í nánu samstarfi með hag nemenda að leiðarljósi.

Nemendur og foreldrar/forsjáraðilar geta leitað til þeirra með hin ýmsu mál sem snúa að líðan nemandans, námi og framtíðaráformum.

Helstu verkefni námsráðgjafa og skólafélagsráðgjafa í Urriðaholtsskóla eru að:

• Standa vörð um velferð allra nemenda

• Vera talsmenn nemenda og trúnaðarmenn

• Veita ráðgjöf í einstaklingsmálum

• Veita félagslegan og tilfinningalegan stuðning við nemendur

• Aðstoða nemendur við að efla sjálfsþekkingu til þess að geta notið sín í námi og starfi

• Sinna fræðslu- og forvarnarstarfi í samstarfi við aðra starfsmenn skólans

• Vinna að bættum samskiptum innan skólans

• Sitja nemendaverndarfundi

• Sinna stöðu tengiliða við þjónustu í þágu farsældar barna

• Þátttaka í samskipta- og eineltisteymi skólans

• Þátttaka í áfallaráði

Ráðgjöf stendur öllum nemendum á grunnskólastigi til boða. Nemandinn sjálfur getur óskað eftir viðtali en einnig geta foreldar/forsjáraðilar, umsjónakennarar og skólastjórnendur vísað nemendum í ráðgjöf.

Námsráðgjafi Urriðaholtsskóla er Steiney Snorradóttir. Hægt er að panta viðtal með því að senda tölvupóst á netfangið steineysn@urridaholtsskoli.is

Skólafélagsráðgjafi Urriðaholtsskóla er Þóra Árnadóttir. Hægt er að panta viðtal með því að senda tölvupóst á netfangið thoraar@urridaholtsskoli.is

Viðtalstímar eru eftir samkomulagi.