news

Umsóknir um frístundaheimili skólaárið 2021-2022

28 Apr 2021

Vegna innleiðingar á nýju kerfi fyrir frístundaheimili grunnskóla Garðabæjar eru forráðamenn barna í 1.-4. bekk beðnir um að sækja um dvöl á frístundaheimili fyrir næsta skólaár að nýju í gegnum Þjónustugátt Garðabæjar.Garðabær er þessa dagana að innleiða nýtt kerfi á öll frístundaheimili í bænum. Kerfið „Vala vetrarfrístund“ er sérsniðinn umsóknarvefur sem heldur utan um allar skráningar og reikningagerð í tengslum við vistun.


Nokkrir foreldrar hafa nú þegar sótt um vistun í frístundaheimili fyrir næsta skólaár í gegnum netföng umsjónarmanna frístundaheimilanna. Foreldrar eru vinsamlega beðnir um að sækja um að nýju í gegnum Þjónustugátt Garðabæjar, umsóknina má finna undir „Umsóknir – 02Grunnskólar – Umsókn um frístundaheimili“, hér er einnig beinn hlekkur á umsóknina: https://fristund.vala.is/umsokn/#/

Hægt er að sækja um frá og með deginum í dag, mánudeginum 26. apríl. Börn sem skráð eru í frístund fyrir 15. júní fá vistun þegar skólar hefjast í ágúst. Umsóknir sem berast eftir þann tíma eru staðfestar m.t.t. starfsmannahalds á hverjum tíma.

Sækja þarf um systkina-, námsmanna- eða afslátt vegna einstæðra foreldra á ÞjónustugáttGarðabæjar, „Umsóknir – 04 Afsláttur af gjöldum – Umsókn um afslátt afgjaldi frístundahemilis“ . Afslættir taka gildi frá og með þeim tíma sem sótt er um. Hér má finna gjaldskrá fyrir frístundaheimili.

Umsókn gildir eitt skólaár í senn (ágúst-júní). Ef þjónustu er sagt upp, eða óskað er eftir breytingum skal það gert fyrir 15. hvers mánaðar og tekur uppsögnin gildi um næstu mánaðamót. Hægt er að segja upp þjónustunni á Völu frístund.

Sumarfrístund fyrir nemendur sem eru að hefja nám í 1. bekk er skráð sérstaklega og verða leiðbeiningar senda til forráðamanna í maí.

Allar nánari upplýsingar eru veittar í viðkomandi frístundaheimili grunnskólanna. Fyrirspurnir eða ábendingar um eitthvað sem betur má fara er hægt að senda í tölvupósti á netfang frístundaheimilis.