Samningur Urriðaholtsskóla og Rannsóknarstofu í atferlisgreiningu - Háskóla Íslands

13 Feb 2019

Urriðaholtsskóli og Rannsóknarstofa í atferlisgreiningu - Háskóli Íslands hafa gert með sér samastarfssamning um faglega innleiðingu raunprófaðra kennsluaðferða. Þar á meðal innleiðingu í Urriðaholtsskóla á aðferðunum stýrðri kennslu (Engelman´s Direct Instruction) og fimiþjálfun sem byggir á kennsluaðferðinni Precision Teaching. Litið er til þess að efla samstarf kennara sem hlotið hafa þjálfun í aðferðunum og stuðla að fræðslu í samfélaginu um stýrða kennslu og fimiþjálfun.

Dr. Zuilma Gabríela Sigurðardóttir prófessor, Þorgerður Anna Arnardóttir skólastjóri, Una Guðrún Einarsdóttir aðstoðarskólastjóri og Guðbjörg Vilhjálmsdóttir sérkennslustjóri og sérfræðingur í aðferðunum undirrituðu samning sem gerður er til fimm ára og gildir út skólaárið 2023.

Um er að ræða skref til að efla tengsl Urriðaholtsskóla við fræðasamfélagið og fræðasamfélagsins við vettvang leik- og grunnskóla. Samningurinn gildir um samskipti og samvinnu beggja stofnanna um kennslu, rannsóknir og þjálfun kennara á sviði raunprófaðra kennsluaðferða.

Mynd: Frá vinstri Una Guðrún Einarsdóttir, Dr. Zuilma Gabríela Sigurðardóttir, Guðbjörg Vilhjálmsdóttir og Þorgerður Anna Arnardóttir