news

Mikilvæg skilaboð frá Almannavörnum

23 Mar 2020

Samkomubann og börn

Skólar hafa skipulagt vandlega fyrirkomulag næstu daga og vikur til að fylgja fyrirmælum heilbrigðisráðherra um takmarkanir á skólastarfi og samkomum.

Það er mikilvægt að foreldrar / forráðamenn barna dragi á sama tíma úr fjölda einstaklinga í tengslaneti barna sinna utan skólatíma til að vinna ekki gegn þessum ráðstöfunum. Mikilvægt er að hafa eftirfarandi í huga:

  1. Skólafélagar sem ekki eru í sama hópi í skólastarfi (hvort heldur sem er á leik- eða grunnskólastigi) ættu ekki að vera í návígi utan skóla.
  2. Hafi börn þroska til að fara eftir leiðbeiningum sem snúa að minni snertingu við vini er ekki útilokað að þú geti hist í leikjum. Leikirnir mega ekki fela í sér beina snertingu, notkun á sameiginlegum leikföngum eða búnaði sem snertur er með berum höndum.
  3. Börn og ættu ávallt að þvo sér vel um hendur áður en þau hitta félaga saína og eftir að þau koma heim.
  4. Fjölskyldur ættu að hafa í huga að ef börnin eru að umgangast mikið vini eða frændsystkini úr öðrum skólum eða skólahópum þá verður til tenging milli hópa sem annars væru aðskildir. Slíkt ætti að forðast eins og kostur er.
  5. Fjölskyldur eru hvattar til að nýta sér tæknina til að halda góðum tengslum við ástvini sem eru í áhættuhópum vegna COVID-19 sýkinga, eldra fólk og fólk með undirliggjandi sjúkdóma.
  6. Einnig væri hægt að nota tækifærið að kenna börnum að skrifa sendibréf og æfa skrift , stafsetningu, virkja ímyndunaraflið og hugsa í lausnum þegar kemur að samskiptum við ástvini okkar.

Varðandi heimili þar sem sumir eru í sóttkví en aðrir ekki:

  1. Börn sem hafa þroska og getu til að sinna eigin hreinlæti og halda viðeigandi fjarlægð við foreldra sem eru í sóttkví sem og við skólafélaga geta áfram sinnt námi í skólastofu. Mikilvægt er að gæta að hreinlæti t.d. nota sér salernisaðstöðu.
  2. Foreldrar stálpaðra barna sem eru í sóttkví og geta haldið viðeigandi fjarlægð frá börnum meðan á sóttkví stendur geta áfram sinnt vinnu á vinnustaða ef fjarvinna er ekki í boði
  3. Heimilið verður allt að fara í sóttkví ef börn hafa ekki þroska eða getu til að virða þær ráðstafanir sem gilda í sóttkví. Önnur leði til að leysa slíkt væri ef þeir sem ekki eru í sóttkví færu eitthvað annað á meðan á henni stendur.


Ýmsar upplýsingar má finna á vef Almannavarnanefnda höfuðborgarsvæðisins