Arnar stundaði nám í Noregi, þar lærði hann leikjahönnun og hefur hann brennandi áhuga á öllu sem tengist tölvuleikjagerð. Hann hefur einnig lært japönsku og um japanska menningu og talar því japönsku. Arnar starfar í frístundastarfi grunnskólabarna eftir hádegi.

Dagný er með BS gráðu í jarðfræði og er leiðbeinandi á Keldu. Hún er með reynslu af störfum á leikskóla og hefur einstakt lag á að mæta börnum og fullorðnum með hlýju og jákvæðni á hverjum degi. Hún er leiðbeinandi á Keldu.

Eliza er frá Filipseyjum og hefur búið á Íslandi um árabil. Hún hefur starfað sem skólaliði og sem leiðbeinandi á frístundaheimili. Elizu hefur alltaf dreymt um að verða kennari og er að láta þann draum rætast og er í námi samhliða starfi. Eliza verður leiðbeinandi á Kletti í vetur.

Ellen Marta verður hægri hönd okkar í skólanum í vetur þar sem hún mun sinna alls kyns verkefnum, allt frá því að svara í símann og aðstoða við þau fjölþættu verkefni sem koma upp á hverjum degi. Ellen Marta hefur alls konar reynslu og er mikil tungumálamanneskja, hún talar m.a. íslensku, pólsku, ensku, dönsku og táknmál.

Erla Bára er svæðisstjóri á Kjarri.

Finnur er tómstunda- og félagsmálafræðingur og flestum hnútum kunnugur í þeim efnum. Hann mun starfa sem leiðbeinandi í grunnskólanum á morgnana og stýra frístundastarfi grunnskólabarna eftir hádegi.

Fríða er grunnskólakennari sem og íþróttakennari og er bæði umsjónarkennari í 1. og 2. bekk ásamt því að kenna íþróttir og sund. Fríða hefur kennt bæði á Íslandi og í Danmörku og hefur fjölþætta reynslu af kennslu barna og með brennandi áhuga á lýðheilsu.

Guðbjörg eða Gugga eins og hún er ávallt kölluð er tónmenntakennari að mennt. Hún hefur áratuga reynslu af því að vinna með börnum. Hún er skapandi í starfi og vinnur með tónlistarsköpun barna í Urriðaholtsskóla ásamt því að vera svæðisstjóri á Krika.

Guðbjörg er grunnskólakennari með M.S. próf í sálfræði. Hún er með fjölþætta reynslu af kennslu barna. Guðbjörg er sérkennslustjóri á leik- og grunnskólastigi og annast einnig handleiðslu grunnskólakennara í kennsluaðferðunum Direct Instruction og fimiþjálfun.

Guðmunda er grunnskólakennari og hefur starfað sem slíkur um árabil. Hún er mikil áhugamanneskja um kennslu ungra barna, sér í lagi lestrarkennslu ásamt list- og verkgreinum. Guðmunda kennir lestur á yngsta stigi ásamt smiðjum list- og verkgreina á leik- og yngsta stigi.

Guðrún Birna er grunnskólakennari með langa reynslu af kennslu á yngsta stigi, hún mun kenna lestur á yngsta stigi og smiðjur á leik- og yngsta stigi.

Harpa er stúdent frá Verslunarskóla Ísland en stundar í dag nám við Háskóla Íslands í íslensku. Þrátt fyrir ungan aldur hefur hún mikla reynslu af því að starfa með börnum, verið sundþjálfari, stuðningsfulltrúi, leiðskólaleiðbeinandi og frístundaleiðbeinandi svo fátt eitt sé nefnt. Í Urriðaholtsskóla sinnir hún skilavakt og gengur í hin ýmsu verkefni. Til gamans má geta þess að hún spilar eins og engill á hörpu.

Hrafney Svava er með B.S. próf í sálfræði og hefur nú hafið nám í náms- og starfsráðgjöf.

Hrefna er leikskólakennari að mennt og hefur langa og farsæla reynslu af því að vinna með börnum. Hún hefur m.a. verið leikskólakennari, deildarstjóri og skólastjóri á leikskólum, bæði starfað hérlendis sem og erlendis. Hún er mikil útivistarkona og meðal annars verið landvörður á sumrin ásamt því að vera mikil hannyrðakona. Hrefna er svæðisstjóri á Klifi.

Jóhanna er stúdent með leikskólareynslu og kennir börnum ballet, reynsla sem nýtist henni afar vel í leik og starfi í skólanum.

Lisseth er mikil áhugamanneskja um skák en hana hefur hún stundað og kennt um árabil víða um heim. Hún starfar sem leiðbeinandi á Kjarri, talar ensku og spænsku og gengur vel að æfa íslenskuna sína.

Magdalena er jógakennari með masterspróf í fjölmiðlafræði og ljósmyndun og starfaði sem blaðamaður í heimalandi sínu Póllandi í 7 ár. Eftir að hafa ferðast um Ísland á hjóli þar sem hún gisti í tjaldi í tvo mánuði við vinnu á umfjöllun um Ísland ákvað hún að söðla algjörlega um og að hér vildi hún eiga heima. Magdalena er að læra íslensku og er leiðbeinandi á Keldu ásamt því að kenna jóga.

Margrét eða Magga eins og hún er yfirleitt kölluð er leikskólakennari með diplóma í stjórnun og mikill reynslubolti á því sviði bæði í starfi með börnum og við leikskólastjórn. Hún er mikil áhugamanneskja um skapandi leikskólastarf og opin efnivið og er svæðisstjóri á Klöpp.

Maria er með meistaragráðu í líffræði og kom til Íslands sem vísindamaður frá Spáni. Hún er í íslenskunámi og spilar á ukulele. Maria starfar á Krika.

Martyna er líffræðingur að mennt og er að ljúka doktorsnámi í þeirri grein frá Póllandi. Henni er mjög umhugað um umhverfið og umhverfismennt. Hún býr til eigin sápur og lífrænum efnum og jurtum sem eru einstakar í alla staði. Martyna er leikskólaleiðbeinandi á Keldu.

Pedro er með meistaragráðu í Austur-Asíu fræðum og diplómu í bókasafnsfræði. Hann er frá Spáni en hefur búið á Íslandi í 15 ár. Pedro er með víðtæka reynslu, meðal annars af því að starfa með ungmennum með fötlun. Pedro er leiðbeinandi á Kletti.

Sigurbjörg eða Sibba eins og hún er ávallt kölluð, ætlar að sinna ýmsum störfum í Urriðaholtsskóla. Hún ætlar m.a. að sjá um þvottinn frá leikskólanum ásamt því að sinna kaffistofu starfsmanna og aðstoða við hádegisverð grunnskólabarna. Sibba hefur góða reynslu af því að vinna með börnum á öllum aldri, bæði í leik- og grunnskóla. Hún er ákaflega skapandi og mikil handavinnukona.

Una Guðrún er grunnskólakennari með M.Ed. í náms- og kennslufræði. Hún er með fjölbreytta kennslureynslu í grunnskóla og er að fara í nám í stjórnun mennastofnanna með áherslu á leikskólastarf.

Þorgerður Anna er leik- og grunnskólakennari og er með diplóma í Stjórnun menntastofnana og er í meistaranámi í sama fagi. Hún er með áratuga reynslu í kennslu og stjórnun leik- og grunnskóla.

Stína er svæðisstjóri á Kletti.

Þórelfur er nýstúdent frá því í vor en með skóla hefur hún ávalt starfað á leikskóla og því komin með reynslu langt umfram aldur. Það er greinilegt í vinnu hennar með börnum sem hún mætir með hlýju og öryggi á hverjum degi. Hún er leiðbeinandi á Kjarri.

Þórey Huld er með B.S. próf í sálfræði og stundar meistaranám í foreldrafræðslu og uppeldisráðgjöf. Hún leggur áherslu á nám yngstu barnanna í náminu. Hún er svæðisstjóri á Keldu.